وصفة قالب الأرز بالزعفران وصدور الفراخ بالكريمة والزعفران

8 عدد المشاهدات
Published

فيديو يشرح وصفة قالب الأرز بالزعفران وصدور الفراخ بالكريمة والزعفران, شاهد الان في موقع وصفات مجربة وصفة قالب الأرز بالزعفران وصدور الفراخ بالكريمة والزعفران في اكبر موقع عربي للوصفات المجربة

موضوع اليوم هو وصفة قالب الأرز بالزعفران وصدور الفراخ بالكريمة والزعفران

وصفة قالب الأرز بالزعفران وصدور الفراخ بالكريمة والزعفران
وصفة قالب الأرز بالزعفران وصدور الفراخ بالكريمة والزعفران

تفاصيل الفيديو وصفة قالب الأرز بالزعفران وصدور الفراخ بالكريمة والزعفران, في قسم وصفات طبخ

ن أكتر الحاجات إللي بستمتع بيها هي وقفتي في المطبخ، لما بحضر أكل لجوزي وأولادي، والنهاردة قررت أعملهم أكلة بيحبوها جداً هي قالب الأرز بالزعفران وزبادي المراعي إللي بيديله طعم يجنن، وفراخ بالزعفران وكريمة طبخ المراعي إللي هتخلي سفرتي تفتح النفس، ولو عايزين الطريقة هقولكم عليها..
وصفة قالب الأرز بالزعفران:
المقادير:
3 أكواب رز بسمتي
١/٢ كوب زبادي المراعي
١/٢ كوب زبدة دايبة
١ بيضة
ملح حسب الرغبة
١/٢ ملعقة زعفران
١/٢ كوب ماء ساخن
١/٤ كوب فستق مقطع للتزين
شوية توت مجفف لو متوفر
شوية كزبرة خضرا آو بقدونس
الطريقة:
إسلقي الرز وسيبيه على جنب، وفي طبق ضيفي ملعقة صغيرة زعفران وعليه شوية ماية ساخنة وقلبيهم مع بعض، بعد كدة هنحط على الزعفران زبدة سايحة وكمان رشة ملح وسيبيهم على جنب. في طبق عميق حطي زبادي المراعي وعليه بيضة وإنزلي عليهم بنص خليط الزعفران وخلي نص الخليط التاني على جنب، هنحط نص كمية الرز المسلوق على الزبادي وخليط الزعفران ونقلبهم كويس جدأ، بعد كدة حطي خليط الرز ده في حلة وإضغطيه كويس لتحت، وحطي على خليط الرز باقي كمية الرز المسلوق وعلى الوش حطي باقي خليط الزعفران. وغطي الرز بفوطة وعليها غطا الحلة ولمي أطراف الفوطة من الجنب، وحطي الحلة على نار هادية لمدة 20 – 30 دقيقة. لحد ما القاع يكون قرمش ومتماسك وتقدري تقلبيه بسهوله. إقلبي الرز في طبق، وزينيه بالفستق والتوت المجفف لو متوفر وممكن تستبدليه بالزبيب، وشوية كزبرة خضرا أو بقدونس. وبكدة يكون قالب الرز بالزعفران جاهز للأكل.
وصفة صدور الفراخ بالكريمة والزعفران:
المقادير:
٦ صدور فراخ فيليه
٢ أكواب كريمة المراعي
١/٢ ملعقة صغيرة زعفران
١ ملعقة كبيرة زبدة
١ ملعقة كبيرة زيت زيتون
بصلة مفرومة ناعم
١ ملعقة جنزبيل مهروس
٢ فص توم مهروس
١/٢ ملعقة صغيرة كاري باودر
ملح و فلفل حسب الرغبة
كزبرة خضرا للتزيين
الطريقة
حطي طاسة على النار وسيبيها تسخن كويس، بعد كدة ضيفي الزبدة وعليها شوية زيت زيتون، وحطي صدور الفراخ وحمريها كويس من كل الجهات لحد ماتاخد لون دهبي وسيبيها على جنب. في نفس الطاسة حطي جنزبيل مفروم وعليه بصلة صغيرة مفرومة وشوية ثوم وكاري وقلبيهم شوية على النار لحد ما البصل والثوم يتحمروا، وفي نفس الوقت تكوني نقعتي الزعفران في شوية ماية ساخنة وسيباه على جنب. بعد كدة حطي عليهم كريمة طبخ المراعي والزعفران وشوية ملح وفلفل أسود، ونسيب الكريمة على النار لحد ما تغلي، بعد كدة نحط الفراخ في الكريمة، ونسيب الفراخ على نار هادية. وزوقيها بشوية كزبرة وبكدة تكون جاهزة.
#سفرة_المراعي #اللمة_عليكم_والأكل_علينا
التصنيف
وصفات طبخ
لا توجد تعليقات حتي الآن